Share poetry

Tum itna jo muskura rahey ho

Tum itna jo muskura rahe ho
Kya gham hai jisko chhupa rahe ho

Aankhon mein nami, hansi labon par
Kya haal hai kya dikha rahe ho

Ban jayenge zehar peete peete
Yeh ashq jo piye ja rahe ho

Jin zakhmon ko waqt bhar chala hai
Tum kyon unhe chhedhe ja rahe ho

Rekhaon ka khel hai muqaddar
Rekhaon se maat kha rahe ho

Tum itna jo muskura rahey ho

apne ghar ki khirhki se men aasman ko dekhoon ga
jis par tera naam likha hai us taare ko dhoondun ga

tum bhi har shab diya jala kar palkon ki dehleez pe rakhna
men bhi roz ik khwaab tumhare shehr ki jaanib bhejoon ga

hijr ke dariya men tum parhna lehron ki tehreeren bhi
paani ki har satar pe men kuchh dil ki baaten likhoon ga

jis tanha se per ke neeche ham baarish men bheege the
tum bhi us ko Chhoo ke guzarna men bhi us se liptoon ga

Khwaab musafir lamhon ke hen saath kahaan tak jaaen ge
tum ne bilkul Theek kaha he , men bhi ab kuch sochoon ga

baadal orh ke guzroon ga men tere ghar ke aangan se
qos-e-qaza ke sab rangon men tujh ko bheega dekhoon ga

raat gae jab chaand sitaare lukan meeti khelen ge
aadhi neend ka sapna ban kar men bhi tum ko Chhoo loon ga

be mausam baarish ki soorat der talak or door talak
tere diyaar-e-husn pe men bhi kin min kin min barsoon ga

sharm se dohra ho jaae ga kaan parha wo bunda bhi
bad-e-Saba ke lehje men ik baat men aisi poochoon ga

safha safha ek kitaab-e-husn si khulti jaae gi
aur issi ki lau men phir men tum ko azbar kar loon ga

waqt k ik kankar ne jis ko akson men taqseem kia
aab-e-rawaan men kese Amjad ab wo chehra jorhoon ga

Yehi Nahi Ke Toofan Meri Talaash Mein Hai


Ke Mausam-e-Gham-e-Jaanan Meri Talaash Mein Hai


Visaal Rut Hai Magar Dil Ko Aisa Lagta Hai


Sitaarah-e-Shab-e-Hijraan Meri Talaash Mein Hai


Mein Faislay Ki Ghari Se Guzar Chali Hun


Kisi Ki Deeda-e-Hairaan Meri Talaash Mein Hai


Ye Be-Yaqeen Si Aasoodgi Batati Hai


Ke Ik Qirya-e-Veeran Meri Talaash Mein Hai


Mein Teergi Mein Mohabbat Ki Ik Kahani Hun


Koi Charaagh Sa Unwaan Meri Talaash Mein Hai


Ye Kaisa Khwaab Tha Dharka Sa Lag Gaya Dil Ko


Ke Ik Shaks Pareshaan Meri Talaash Mein Hai

Main jo mehka to meri shakh jala di us nay,
sabz mosam main mujhay zard hawa di us nay

pehly ik lamhy ki zanjeer main bandha mujh ko,
or phir waqt ki raftar barha di us nay,

janta tha k mujhay mot sakoo’n bakhshay gi,
woh sitamgar tha so jeenay ki dua di us nay,

Us kay honay say thin sansain meri dugni shayad,
Woh jo bichra to meri umr ghata di us nay,

Zillat-E-Tanhai Se Ghabra K Aayi Hoon,
Main Abhi Abhi Sheher-E-Wafa Se Aayi Hoon,

Kuch Dair Hawa Ko batoon Me Lagaye Rakhna,
Main Ghar Mein Ek Charagh Jala K Aayi Hoon,

Uss Ne Pocha Hai Ehd-E-Wafa Nibhao Gay?
So Haathon Mein Quran Utha K Aayi Hoon,

Wo Chahe To Ab Mujh Se Tark-E-Talluq Kar Le,
Wo Meri Zindagi Hai Usay Bata K Aayi Hoon,

Wo Ab Bhi Mujhe Anna Parast Samajhta Hai,
Main Jisay Ro Ro Ke Mana K Aayi Hoon

Tere Jaisa Mera B Haal Tha, Na Sakoon Tha Na Qrar Tha,
Yahi Umar Thi Mere Hamnasheen K Kisi Se Mujh Ko B Pyar Tha,
Main Samjh Raha Hoon Teri Kask, Tera Mera Dard Hy Mushtrak,
Isi Ghum Ka Tu B Aseer Hy, Isi Dukh Ka Main B Shikar Tha,

Faqt Aik Dhun Thi K Raat Din Isi Khawab Zaar Main Gum Rahain,
Woh Saroor Aisa Saroor Tha, Woh Khumar Aisa Khumar Tha,

Kabi Lamha Bhar Ki B Guftgu Meri Us K Saath Na Ho Saki,
Mujhe Furstain Nahi Mil Sakin, Woh Hawa K Tuth Par Swaar Tha,

Hum Ajeeb Tarz K Log Thy , Hamare Aur He Rog Thy,
Main Khizan Main Us Ka Tha Muntzir, Usy Intzar Bahar Tha,

Use Parh K Tum Na Samjh Sakay Meri Kitab K Roop Main,
Koi Qarz Tha Kai Saal Ka, Kai Rat Jagoon Ka Udhar Tha

Mudtoon se yahi Aalim na tuwaqa na umeed
Dil pukaray hi chala jata hai janna janna


Hum bhi kia sada the, hum ne bhi samjh rakha tha
Ghum-e-dooran se juda hai ghum-e-Janna janna


Ab ke kuch aisi sajhi mehfal-e-yaaran janna
Ser ba rano hai koi ser be-gireeban janna


Her koi apni hi awaz se kanp uthta hai
Her koi apne hi saye se harasaan janna


Jisko dekho wohi zanjeer paa lagta hai
Shehar ka shehar huwa dakhal-e-zindaan janna


Hum ke roothi hoi rut ko bhi manna laitay the
Hum ne dekha hi na tha mousam-e-hijraan janna


Hosh aya to sabhi khawab the reeza reeza
Jaisay urte hoye awraaq parishaan janna

Aik aansu meri palkon pe numanyan hi sahi
Laog kehtay hain charaghaan to charaghaan hi sahi


Hum ne har daor mein raaton se baghawat ki thi
Aaj pabandi-e-aaien shabistaan hi sahi


Meri taqdeer mein phoolon ka tassawur bhe mahal
Koi gulshan bakaf-o-khuld badamaan hi sahi


Mujh pe jo beet gai beet gai beet gai
Meri hasrat teray chehray se numayan hi sahi


Mar.ghaton per nai bunyaad-e-makan rakhain gai
Kar-e-tehzeeb Raqeeb-e-ser-o-samaan hi sahi


Kitni Aankhain huien be nar tujhay kiya maloom
Kar-e-nazarah teri bazm mein asaan hi sahi


Jabr Ke Zulm Laye huway san.natay mein
Koi shorsh koi halchal koi toofaan hi sahi


Yeah bhe kya kam hai ke hum chonktay hain jagtay hain
Zindegi silsila-e-khuwaab perishaan hi sahi


Bhairriyon ko nah yeah tareekh khula choray gi
Bhairriye asmat-e-aadam ke nigehbaan hi sahi


Zulm har rang mein pehchaan liya jaye ga
Tera daman hi sahi mera girebaan hi sahi


--

kudha kare try angan mn,
sada bhar rahe,
tery laboun pr hr lamha,
Muskuraht rahe,
Kudha kare tri ankhoun mn,
ashak kabhi na ain,
sada teri ankhian,
roshan rahn,
mery laboun pr hr dam,
yahi dua hai,
yai kushyan tuje,
hamehsa ras rahn (ameen)

Agr kbhi meri yad ay to...
chand raton ki naram dilgeer roshni mein
ksi sitary ko dakh lena
agr wo nakjal e falak say ur kar
tumhary qadmon mein a giray to
jan lena...
wo isteara tha meray dil ka
Agr na ay.........
magar ye mumkin he kis trha hay
k tum ksi pe nigah dalo
to us ki dedwar e jan na tootay
wo apni hasti na bhol jay

Agr kbhi meri yad ay to....
guraiz karti hava ki lehron pe hath rakhna
mein khushbon mein tumhein milon ge
mujhay gulabon ki pation mein talash karna
mein aos qatron k aenon mein tumhen milon ge
Agr !
sitaron,aos qatron,khushbon mein na pao mujh ko
to apnay qadmon mein dakh lena
mein gard hoti musafton mein tumhein milon ge
kahin pe roshan chiragh dakho to
jan lena
her patngay k sath mein b bikhr chuki hon
tum apnay hathon say in patngon ki khak darya mein dal dana
mein khak ban kar
samndron mein safar karon ge
ksi na dakhay huay jazeray pe ruk k tum ko sadaen don ge
samndron k safar pe niklo
to is jaziray pe b utarna.....

Sochti Thi
Us Se Bichar K Na Ji SakOnGi
Marr JaOn Gi
Wo Awaz Na Sun Paai Tu
Aur Kya Sun PaonGi
Us KA Saath Na MiL Paya Tu
KaisY JeE PaAon Geee ??
Wo Chehra Na Daikh Saki Tu
Roshni Kaisy PaaOnGi ?
Sochti Thi
Us Se Bicharr K Kaisy Ji PaaOn Gi
Khud Ko KaisY BheLaOn gi
Lekin Dekho
Us Se Door Howy MujhKo KitnY Mosam Beet GaYe
Wo Chehra Door Hai Ab Mujh Se
Wo ALFaaz Nahi MiltY Ab
Lekin Phir b
Aankhon Ko Beenaai Salamat Ab b Hai
LafzOn Ka Zakheera Ab B Hai
AB B SansOn Ka Wohi Tasal.suL
Waqfy WaqfY Se Jari Hai
Ab B Banti Sanwarti HOn
Ab B Hansti Gaati HoN
Ab B Umda KaprY Pehn K
Sab Se MilnY Jati HoN
Ab B Aksar Tanhai Main
Milan K NaghmY Gaati Hon
Ab B Sab Kuch ChaL Hi Raha Hai
Ab B Jeevan Guzar Raha Hai
*Lekin Kya Hai
Ek Larki Jo MerY AndAr Basti Thi
Teri Madad Se
MaiNe Usko Maar DiYa He *

kahin mily tu usy yai khena
fasil-e-nafrat gira rahi houn
gaye dinu ko bhula rai houn
wo apny waday sy phir gaya hia
main apny waday nibha rahi houn
kahin mily tu usy yai khena
na dil mn koi malal rakhy
hamesha apna khayl rakhy
wo apny sary gum mujh ko dy day
tamam kushiyan sambhal rakhy

Me hon tera kheal hai aur chand raat hai
Dil dard se nidhal hai aur chand raat hai

Ankhon me chob gaen teri yadon ki kirchiyan
Kandhon pe gham ki shal hai aur chand raat hai

Dil toor k khamosh nizaron ka kia mila?
Shabnam ka ye sawal hai aur chand raat hai

Phir titliayan si orane lagen dashat khawab me
Phir khawaish-e-wasal hai aur chand raat hai

Campas ki nehar par hai tera hath hath me
Mosam bhi lazawal hai aur chand raat hai

Har ikk kali ne orah lia matami libas
Har phol par malal hai aur chand raat hai

Meri to por por me khoshbo si bus gai
Us par tera kheal hai aur chand raat hai

Chalka sa parh raha hai WASI wehshaton ka rang
Har cheez pe zawal hai aur chand raat hai

Ae mere chand ki aghosh se obhare hoe chand
Tere ane se meri shokh ki sab moskanen
Us k morjhae hoe chehre pe loat ai hain
To ne hi us k solagate hoe sub zakhmon par
Apna nazak sa mehkata hoa marham rakha
Goya sehraon me barsat ka mosam rakha
Waqat ki andhi ne ikk phol mere angan ka
Gulshan ghair k zindan me la phenka tha
Me k jogno tha chine mujh se hawale mere
Kho gae jane kahan sare ojhale mere
Wo k titali thi sabhi rangon se mehrom hoi
Hijar k dard me din rat wo Maghmom hoi
Bikhari bikhari si wo rehti thi meri sochon me
Tere ane se meri shokh ne khoshiyan paen
To jo hansata hai tujhe daikh k jii othati hai
To jo rota hai to gabra k bikhar jati hai
Mujh se wabasta jo karti thi maqadar apna
Abb samajhati hai faqat tujh ko sikandar apna
Abb teri zaat se mansoob hain sansain us ki
Aur khilati hain tere qurab me ba nahin us ki
Ae mere chand ki aghosh me khilate hoe chand
To ne mujh par ajab ehsas kia hai piayare
Abb tere qurab me wo mujh ko bhala to de gi
Hijar k jalate hoe deep bajha to de gi

Umeedon ke saharey jee kar khud ko dhoka deta hoon,
Teri yaad mein jal kar rooh ko aziyat deta hoon,

Parwaah nahin karta koi kya samajhta hai mujhe,
Koi maange nafrat bhi, Tou mohabbat lazawaal deta hon,

Har baar ishaarey deti hai woh judai ke,
Har baar mein muskuraa ke taal deta hoon,

Aa chal thaam le ab tu mera hath,
Tere naam ko mein apna naam deta hoon,

Torra nahin aik muddat se ab kisi ka dil bhi,
Koi maange sath to dil mein jagha deta hoon,

Daur-e-wasl mein yeh naubat aagayi hai Husnain,
Apne hathon ko tere hathon se mila deta hoon..

Kal halki halki barish thi
Kal sard hawa ka raqs bhi tha

Kal phool bhi nikhray nikhray thay
Kal un pe aap ka aks bhi tha

Kal badal kalay gehray thay
Kal chand pay lakhon pahray thay

Kuch tukray aap ki yaad kay
Bari dair say dil main thehray thay

Kal yaadain uljhi uljhi thin
Aur kal tak yeh na suljhi thin

Kal yaad bohut tum aye thay
Kal yaad bohut tum aye thay …

Me hon tera kheal hai aur chand raat hai
Dil dard se nidhal hai aur chand raat hai

Ankhon me chob gaen teri yadon ki kirchiyan
Kandhon pe gham ki shal hai aur chand raat hai

Dil toor k khamosh nizaron ka kia mila?
Shabnam ka ye sawal hai aur chand raat hai

Phir titliayan si orane lagen dashat khawab me
Phir khawaish-e-wasal hai aur chand raat hai

Campas ki nehar par hai tera hath hath me
Mosam bhi lazawal hai aur chand raat hai

Har ikk kali ne orah lia matami libas
Har phol par malal hai aur chand raat hai

Meri to por por me khoshbo si bus gai
Us par tera kheal hai aur chand raat hai

Chalka sa parh raha hai WASI wehshaton ka rang
Har cheez pe zawal hai aur chand raat hai